黎明來到再次相聚的 The Great Canadian Baker To Be 著
為着下一代毅然離開病港，我的家。
係學歷及財力有限下選擇不多，加拿大絕對係我一家合適的避風港。每日沉淪係各大Youtube channel，更差少少比人賣豬仔。係HK Pathway政策出台前我盲頭烏蠅咁搵最低門檻的移民方法，有Agri-Food Pilot, PEQ, MPNP。。。最後決定行讀書喱條路，我本來係報左Manitoba幾間college但因deadline前都未考到英文成績，花多眼亂下搵左個內地中介（朋友介紹）幫我搞入學，佢推薦左Hxxxxx College比我，位於溫哥華同多倫多都有學校。
佢再三提示我成績不足以入學（DSE 2分)，需協助我作假成績報名並保證不會比人發現！
聽左佢鬼話連篇的游說，我成功申請。
但幸運地最後交學費前過唔到自己果關再瘋狂查資料先發現喱間學校跟本唔合資格畢業後申請工簽，同佢講的完全唔同。另外各網友都話加拿大講誠信機制，如果我咁做等同某鬼國人無異。
何況我更係為人父母，我相信移居要移心。 慌亂中醒起我最早期 Facebook Message過 Maple couple，當時應該係初創未見回覆。眼見幾個月後個 Page資訊多左好多，決心一試，就係咁改變左我。
記得當時第一句就係抱住絕望的心情講希望你幫幫我，我真係無哂辦法好無助。佢地比左好多意見我，最重要我聽到一句我係幫香港人，唔係誇張真係爭少少喊左出黎。
而傾完後一星期我就成功考到超乎我想像的好成績，一切都係最好的安排。
我開始將『點解喱種事會發生係我身上』的想法，換成『遇到喱種事想教識我什麼』。
一路上見到【The Maple Couple 同學會】 好多同路人互相支持令我更堅強，每次坐上巴士心都好痛因為知道即將永遠離開曾經美好的家園。
但我好興幸我係一個香港人，希望黎明來到再次相聚。
可參賽人士：經The Maple Couple 免費報讀2021年5月、9月及2022年1月入學（任何合作學院），並最終成功入學的同學。請立即上載你的加拿大讀書的準備、經歷和故事。中英皆可，字數不限。
我們會稍後經專人選出當中最佳故事，作全民投票，頭3名勝出者將可獲得豐富獎品, 包括頭獎13吋Mac Book Air、二獎 New iPad、三獎 Bose SoundLink Bluetooth 360 Speaker