《感恩節 - 渥太華 x 滿地可 感恩之旅》
今年感恩節，非常感恩有朋來自遠方。因此安排了一個簡單的Road Trip，走訪滿地可和首都渥太華。
就算帶住一個1歲小朋友去旅行，係加拿大絕大部份地方、餐廳都係Baby Friendly，唔會好似香港咁，換個尿片都要走入去高級商場。我們和Mr. Maple Baby 成個行程都好享受，佢有機會嘗試好多美食，同好多很友善的路人玩吓。睇黎佢第日大個應該好鍾意去旅行。
我們仲去咗首都渥太華，報名免費參觀國會山莊 眾議院的場地。嚮導帶我地遊走加拿大民選議員平日開會的場所，同時有機會了解更多有關國家的歷史、和英國皇室的關係、歷屆首相的小故事、以及首相平時開完會開記招的地方（圖1）。
國會山莊的莊嚴和宏偉，個人覺得與美國白宮、英國白金漢宮和唐寧街等相比，有過之而無不及。如果大家有機會的話，非常值得去參觀一下，絕對係「每天愛國多一些」的最佳活動。