打算一世都係香港求其打份萬幾文嘅工既毒L 著
報讀學校：Centennial College （9月入學）
前排我睇毛記【圍爐取戀】，講有對情侶因為移民問題，而成為分手嘅導火線。我就係到諗，我都唔知係咪叫好彩，咁就做左人地個老襯⋯
話說4年前我識左個女人，佢巴渣又潑辣，我心諗呢個人真係做朋友都唔攪唔掂。 殊不知一下子⋯ 佢以家就係我個老婆，諗起都覺得不可思議⋯ (打冷震先）
本身我係一個毒L，我打算一世都係香港求其打份萬幾文嘅工，做到死個日就算。 但識左佢，我即刻升曬呢變左俄羅斯戰鬥民族咁款，日做夜又做。
你諗咩，真係純做運動，我本身係個月巴人。 Chur我做運動都算⋯ 但無啦啦有日佢chur我同我講結婚⋯ 雖則拍拖總會懶sweet，問下佢嫁唔嫁，問下嫲，FF下開心下～ 點知佢又認真左⋯
有日佢問：「我地結婚好唔好？ 順手去英國移民。」
我個下心諗，下？ 結婚？ 順手移個民？？？ 隻隻字我都識，放埋一齊我就聽唔明啦⋯
我都比唔切反應，佢就話：「你無BNO我地結左婚就可以帶埋你去，你以前成日都問我結婚好唔好嫁喎。」
那！ 我真係衰嘅！ 懶係sweet咁⋯ 今鋪就賴左野啦⋯
我個下口水都吞唔落：「咁早結婚⋯ 好咩⋯ ？」
佢：「差唔多嫁啦，又要準備下文件野，倒數返飛得個日，呢排就係時候啦！」
我嘅第一次⋯ 咁就比人人生規劃在內，我真係受寵得黎又嚴重受驚⋯ 我就唯有答句：「好啦⋯」
一個咁強勢嘅女人，我都好想跟佢學下野⋯ 說時遲那時快，我就要同父母講結婚嘅事。
點那知呢個時候，我老母話：「其實你有本BNO係我到⋯」
我就心諗，唉⋯ 你早講還我自由之身⋯ 我女人個下就眼都突埋，即刻啤住我，以為我事前係知道咁嘅樣⋯
那，我就真係嘜都唔知嫁⋯ 睇佢個樣都似係想悔婚。 就係佢考慮之際⋯ 加拿大又衝出黎話有個港人救生艇，一下子又搶走左我女人個心話要飛去加拿大⋯ 又說時遲那時快，冚冚聲，呢個時候就撞The Maple Couple⋯ 電話傳黎一把男人聲，溫文又善良咁款，講左唔夠兩句⋯ 一下子旋風式，快過申請寬頻，就無啦啦，成功爭取到個讀書offer返黎。
我女人當然就癲曬咁樣又整呢又整路，當佢好忙嘅時候就梗係我嘅Solo Time啦～
有時間都想真心了解下，呢個係咩地方 [加拿大] 我細細個就聽過呢個名，但好多人都話回流咁囉⋯ 無嘅，女人大曬，男人都係跟住做。但我睇睇下又覺得，加拿大幾好喎～ 至少有飯食、有太陽曬下、有風景影下相。 咁睇落都幾正呀！
就求求其買個喼飛啦～ 買喼個下我女人二話不說，就衝埋去攬住個喼，話係佢睇先嘅，個一刻我先醒覺，原來香港人買喼都買到人地清曬倉⋯
真係去到今時今日，我先知香港人真係走得嘅走⋯ 而我，應該真係無揀錯我個女人⋯ 帶我走到遙遠的以後⋯
完
你和我的故事 大比拼 https://www.themaplecouple.com/arrivingincanada 可參賽人士：經The Maple Couple 免費報讀2021年5月、9月及2022年1月入學（任何合作學院），並最終成功入學的同學。請立即上載你的加拿大讀書的準備、經歷和故事。中英皆可，字數不限。 我們會稍後經專人選出當中最佳故事，作全民投票，頭3名勝出者將可獲得豐富獎品, 包括頭獎13吋Mac Book Air、二獎 New iPad、三獎 Bose SoundLink Bluetooth 360 Speaker
