【Mr. Maple Baby 醫院日記】

我係一個好心急的小朋友,所以殺媽媽一個措手不及,早左少少少同大家見面。好多謝媽咪咁辛苦生我出黎。





你見我咁肥仔,就知道我身體無咩大礙。但加拿大D醫生同護士姐姐真係好好,要我留多幾日,睇清楚情況先比我返屋企。同時爸爸媽媽可以多幾日時間去休息,迎接我的來臨。

雖然加拿大政府醫院都係勁多人,隔離急症室環境可能好麻麻地,但係婦產科的設備和環境都算唔錯。


因爲媽咪份工有公司醫療保險的關係,我地加左每日60蚊就可以升級到私家病房 (原價每日300幾加幣),至少爸爸媽媽都有更多時間休息。但係政府醫院仍然是政府醫院,生完小朋友後,如果媽媽身體無咩大礙,佢都好心急要叫你走。







而照顧我的護士都好好人,佢地好有心機的教爸爸媽媽點樣照顧我,更加有母乳專員輔導媽媽,等我有得早少少享受母乳的幸福!而其中一個照顧我的護士,竟然是曾經照顧過文萊國王長孫的護士,佢真係好好人,仲係我出院時比左好多BB產品sample 我 可愛的小朋友果然有特別多福利。


翻到屋企,當然要吵旺個場。我日日食好多奶、訓好多教、爸爸為我安排了【全多倫多最强香港人陪月姐姐】@Mikko Tang 黎照顧我同媽媽,等我地可以儘早回復元氣!雖然我無份食佢煮既野,但據聞真係好好食!





出院後幾日,爸爸媽媽已經安排我見了家庭醫生和兒科醫生,疫情期間要揾個醫生見下真係唔容易,儘早安排真係好緊要。2個月後我會開始打針啦!


最後,要多謝過去兩星期不斷協助我們一家的親戚朋友,以及無數網友、同學會成員和網站成員的祝福。感謝感謝!


好啦,我要訓教教啦,下次再同你地分享啦!


#themaplecouple #mrmaplebaby

1 則留言