過去一年，跟大家分享了很多有關加拿大渣車的資訊，相信協助到很多朋友和同學會成員：
在加拿大怕學車、考車好難？ https://www.themaplecouple.com/post/driving_in_canada_2
Lease車的迷思！到底是租車好，還是買車好 （1） https://www.themaplecouple.com/post/lease_car_in_canada_2021
Lease 車的迷思，到底是租車好，還是買車好？（2） https://www.themaplecouple.com/post/lease_car_2021_2
近期The Maple Couple 身有要事，需準備隨時需要出門到外國。唯香港的國際車牌已經過期了，咁點算好呢？
我們花了一些時間在網上作資料搜集，發現係加拿大用本地轉國際車牌原來真係好簡單。
唔洗去Service Ontario又唔洗去政府部門，原來只係需要去附近的CAA (Canadian Automobile Association)這個非牟利團體搞就得！CAA仲要做埋旅游、車保等等，非常方便。
而依個CAA好多地方都有，其中一個就係屋企附近5分鐘車程的地方。相比起以前係香港要去指定運輸處搞，加拿大真係方便好多！
入到去CAA門市，一個人都無。我將預備好的文件交比員工，5分鐘就完成成個手續，搞掂左個國際車牌。簡直係快靚正! 盛惠25加幣 (即約150 蚊港幣），足足係香港國際車牌的雙倍價錢！
但係唔洗預約、唔洗排隊、唔洗大汗淋漓咁行去運輸處，時間就係金錢，我覺得都係值得！
所以大家將來綠色果本 【香港國際車牌】就算到期，但你又需要去其他地方旅行的話，都唔需要擔心啦！