仍然身在香港的The Maple Couple 同學會 經常問我一個問題：“到底出發前應該係香港打針嗎？” 我們身在香港的親朋戚友，基於不同的原因，絕大部分都唔會去打針。
在香港，大家的話題通常係【打針? 還是不打針？】。
相反地在加拿大，我們日常和同事、朋友、鄰居的談話内容，好少會討論 【打針? 還是不打針？】，而係會討論【幾時排倒隊去打針】。
可能大家對政府仍然有一定的信任，這邊討論打針的風氣一般較爲平和，通常只是談笑風生的討論：哪一個品牌的疫苗較爲適合，如何有效率上網預定打針，或到哪裏打針會少D人排隊等等……
一般市民都好想快D可以打完第一針，以保護自己和家中摯愛。
The Maple Couple也很幸運，在剛過去的幾天完成了Pfizer的第一針。我們是通過網上預訂，到附近的社區中心打，只需要五分鐘的車程就到達。
由於是by appointment，打針過程都不需要怎樣的排隊。儘管駐場的醫生、護士和工作人員工作時間都很長，但他們仍然是十分熱情和有耐性的講解一切，更和我們細心解釋如遇上副作用的話，可以如何應對。
完成接種後，中心安排15分鐘的休息時間，以確定沒有即時的副作用。
好多朋友都會問，打完後有咩感覺？
首先我們的感覺是鬆了一口氣。自己患病的風險終於可以減低了。同時，也可減低成爲帶菌者，把病毒帶到身子較弱的家人和朋友的機會。絕對是一舉兩得。
當然，一定的副作用就少不免。然而，副作用因人而異，而我們就經歷了以下的感覺，只係比大家參考下：
❤️1. 真係會好肚餓 - Mr Maple Couple 即刻去韓國餐廳 The Owl of Minerva 叫左個豬骨湯飯 + 炒麵，全部隊曬！Ms Maple Couple 打針果日就買左兩個大Burger，又係隊曬!
The Owl of Minerva: https://owlfamily.ca/menu/
6ixside Burger: https://www.instagram.com/6ixside_burger/?igshid=1m8qiok7hivnb
❤️2. 真係會好口渴 – 我飲完杯咖啡走入去打針，打完後即刻覺得好口渴。所以錯曬，大家記得飲多D水先好入去
❤️3. 果晚要早D訓 – 打完針後有少少的作傷風的感覺，手腳時凍時熱，大家果晚可能會覺得好累，都係早D訓啦。家庭醫生叫我地隊兩粒止痛藥先訓，我覺得都幾有用。
❤️4. 第二日工作效率低左 – 感覺仍然未100% 回復體力，打針個位仍然會麻痹。大家打完針之後幾日都小心，最好唔好做咁多粗重野啦！返工既就就住黎，唔洗咁搏既。
雖然The Maple Couple暫時只能排到8月先可以打第二針，但係據聞越來越多針會抵達安省。希望更多人能夠順利打到針，也希望更多人可以快D打到第二針。
儘管這個抗疫期間政府、人民各層面都犯了很多錯誤。但相信一一都會過去。這此疫情是一個很好的Lesson Learnt，唯人命的犧牲實在太大了。
相信每一位健在的人類都不會忘記這一次的教訓，我們要好好努力的一起活下去！