top of page

【The Maple Couple 同學會分享】多倫多兩三事 by 林同學



唔經唔覺已經黎左差唔多半年,最大既感悟係 : 只要嘗試踏出一兩步,你就會遇到好多預想唔到的事。

好鍾意自己住緊既社區,附近有好多松鼠,有時會見到野兔、浣熊、臭鼬。我住緊個到係stacked townhouse,屋企前面有個位可以種花種菜(雖然我種既青瓜比d動物咬爛哂),我兩隻狗有時會係屋企都跑得好開心,由廳跑入房再跑返出廳再跑返入房,當然有時帶佢地出去屋企附近既草地跑佢地仲興奮。

暫時經歷左呢到既春夏秋天,呢到既天氣好舒服,夏天都好乾爽,完全唔會痴立立,但夏天好多烏蠅同蜜蜂,有時飛入屋真係會好崩潰。冬天捱唔捱到就…未知啦haha

黎到呢到意外地識左班好岩玩既朋友,一齊行山、野餐、行街、唱k、食飯、玩… 覺得好感恩。

讀書方面,同班同學大部份係印度人同菲律賓人,佢地都好友善,冇諗過我地會打成一片,當初唔係好聽得明佢地講既英文,仲記得第一日返學有個印度女同學問我幾時到步,但我請佢重覆左四五次我先聽得到,少尷尬,但而家仲可以同佢吹水講笑。除左返學,我地仲會成班同學一齊去同學屋企燒野食,一齊去wonderland玩,一齊慶祝生日,仲試過開心事台開到大家喊哂,真係冇諗過會同佢地咁close,呢d全部都係好好既回憶黎。

最近都開始搵兼職,想係一個新地方可以有一個新既發展,以前細個一直都好想做同動物相關既工作,經過一個月send左幾十份resume出去,最近收到同動物相關既工作既offer,再一次覺得好感恩:P!!!

最後,都講下呢到唔好既事,相信大家都知就係重稅,出去食飯去玩都好貴,所以都曾經因為支出多但冇收入,有經濟壓力而唔開心,但相信呢個只係一個過渡期而且都係預期中既事,所以好快都過渡左。無嫁,其自然,過好每一天。

Comments


bottom of page